Cwestiynau Cyffredin

Beth ydi’r gofynion mynediad ar gyfer y brentisiaeth hon?

• Rhaid i chi fod yn 18 oed ar ddechrau’r brentisiaeth
• Ar gyfer y prentisiaethau Diffoddwyr Tân: TGAU Gradd A-C mewn Mathemateg a Saesneg/Cymraeg neu gymhwyster cyfatebol (gyda thystiolaeth)
• Ar gyfer y prentisiaethau Arweinwyr y Dyfodol: 2 Lefel-A Gradd A – C neu gymwysterau cyfatebol (gyda thystiolaeth)
• Llwyddo yn y Profion Dethol Cenedlaethol i Ddiffoddwyr Tân (cyfeiriwch at yr adran Ffitrwydd am ragor o wybodaeth am y profion dethol)
• Pasio Archwiliad Meddygol mynediad y Gwasanaeth sydd yn cynnwys Asesiad Ffitrwydd a Phrawf Llygaid
• Canlyniadau clir yn dilyn Gwiriad Datgeliad Troseddol Lefel Sylfaenol

Pa gymwysterau

ga’ i?

• Sgiliau Hanfodol mewn Saesneg, Mathemateg, Cymraeg a Llythrennedd Digidol
• Diploma Lefel 3 Cymru Gyfan mewn Gweithrediadau Brys Gwasanaethau Tân ac Achub yn y gymuned
• Sgiliau Dysgu a Meddwl Personol
• Hawliau a Chyfrifoldebau Cyflogaeth

Pa hyfforddiant

ga’ i?

• Bydd yr hyfforddiant cychwynnol yn darparu amrywiaeth o sgiliau ymarferol a sylfaenol mewn diffodd tanau a sgiliau theoretig a hyfforddiant i roi Cyngor ynghylch Diogelwch Tân i’n cymunedau

Beth fydd fy mhatrwm gwaith?

• Byddwch yn gweithio ar system shifftiau mewn gwahanol leoliadau/Gorsafoedd Tân yng Ngogledd Cymru. Bydd hyn yn cynnwys dyddiau, nosweithiau, penwythnosau a gwyliau banc fel y bo’r angen.
• Cynhelir hyfforddiant mewn lleoliadau yng Ngogledd Cymru

Beth fyddaf yn ei wneud yn y swydd?

• Gweithio fel rhan o dîm uchel ei barch
• Dysgu sgiliau diffoddwyr tân proffesiynol
• Deall pwysigrwydd gwneud cymunedau’n fwy diogel drwy wneud gwaith diogelwch cymunedol.

Pa gymorth parhaus fyddaf yn ei gael?

• Cewch eich hyfforddi a’ch mentora’n barhaus drwy gydol y brentisiaeth
• Cewch eich asesu mewn gwahanol ffyrdd, a allai gynnwys:

-        Asesiadau wrth eich gwaith

-        Tystiolaeth o’ch dyletswyddau

-        Paratoi portffolio tystiolaeth

Fydda i angen trwydded yrru?

·        Does dim rhaid i brentisiaid gael trwydded yrru

·        Fodd bynnag, mae’n bosib y cewch eich hanfon i weithio mewn gorsaf dân, gwylfa neu adran unrhyw le yng Ngogledd Cymru a chi fydd yn gyfrifol am gyrraedd eich gwaith

Oes rhaid i mi fod yn Ddinesydd Prydeinig i ymgeisio?

·        Cewch fod o unrhyw genedligrwydd i ymgeisio, cyn belled bod gennych chi’r hawl i aros yn y DU yn ddiamod. Bydd rhaid i chi ddangos tystiolaeth bod gennych chi’r hawl i weithio yn y DU yn ystod y broses recriwtio

Oes raid i mi allu siarad Cymraeg?

·        Does dim rhaid i chi allu siarad Cymraeg yn rhugl fodd bynnag bydd rhaid i chi ymrwymo i’n cynllun iaith Gymraeg

·        Rhaid i bob recriwt newydd gyrraedd safon Lefel 2 mewn Cymraeg o leiaf yn ystod cyfnod prawf o 12 mis (oni bai eich bod wedi cyrraedd y safon yn ystod y broses ymgeisio) a bydd rhaid i chi gyflawni safon Lefel 3 Cymraeg Siarad a Gwrando cyn i’r brentisiaeth ddod i ben

·        Bydd cefnogaeth a hyfforddiant ar gael yn ôl y galw i gyrraedd y lefelau hyn

Ga’ i ymgeisio os oes gen i gofnod troseddol?

·        Ni fydd cofnod troseddol yn eich hatal rhag dod yn Ddiffoddwr Tân Prentis o reidrwydd.

·        Rhaid i chi ddatgan unrhyw euogfarnau sydd heb ddod i ben o dan Ddeddf Ailsefydlu Troseddwyr 1974. Mae hyn yn cynnwys unrhyw droseddau a ymdriniwyd â hwy gan lys barn, gweithdrefnau disgyblu Gwasanaethau Ei Mawrhydi ac unrhyw droseddau gyrru.

·        Cyn unrhyw gynnig o gyflogaeth bydd rhaid i chi gwblhau dogfen ddatgelu’r Biwro Cofnodion Troseddol. Os, yn ystod unrhyw ran o’r broses, y daw hi’n amlwg eich bod chi heb ddatgelu euogfarn, bydd eich cais yn cael ei dynnu’n ôl.

I gael gwybod mwy am euogfarnau sydd heb ddod i ben ewch i www.disclosurecalculator.org.uk